E-tal ar groaz
Dirak ar C'hrist maen en noazh,
Seizh arched saprenn
Zo tremenet er wenodenn.
Seizh arched saprenn
Bleniet gant an Ankou didruez,
Seizh arched saprenn nevez
0 deus kuitaet ar geriadenn-man,
Dindan barradou sklas ar goanv,
'Vit bered ar barrez.
Seizh maouez kozh, kabac'h ha dizant,
Er goanv-man a zo maro,
Ha torret eo breman ganto,
E seizh ti-plouz a Gernevez,
Ar walenn aour, gwalenn ar yezh,
Ar walenn aour a unane
Kalonou nevez
Ar vugale
Ouzh Kalonou ar re gozh.
Torret eo ar walenn aour,
Torret eo ar walenn,
Ar chadenn vurzhudus
A eree an amzer-vreman
Ouzh pellder
An amzer dremenet.
Seizh maouez kozh a zo maro,
Seizh maouez a vire, ganto,
Soublet war flammou uhel an oaled,
Spered,
Kened,
Ha yezh an Tadou.
Seizh arched prenn,
Dirak ar C'hrist maen,
Ha ganto eo aet da hesk
Eienenn fresk
Awen
Ar ouenn.
E Kernevez,
War c'hlannou glas al lenn,
A-hed ar bodou kelvez,
Ne vo mui klevet breman
Nemet
Yezh
An Estren.
Evel-hen e kane Jakou Kerloaz,
Dirak ar C'hrist maen en noazh,
E-tal ar groaz.
1 | Tri Martolod |
2 | Son ar Chistr |
3 | Suite Sudarmoricaine |
4 | Rentrer En Bretagne |
5 | Ar Chas Donv'Yelo Da Ouez |
6 | Broceliande |
7 | Vers Les Iles Et Villes De Verre |
8 | Scots Are Right |
9 | Menez |
10 | Let The Plinn |