Альберт Узденов - Ийнаннганем текст песни

ИЙНАННГАНЕМ
(ТАС ЭТМЕ ДЖАЗЫНГЫ)

Музыка Альберта Узденова
Слова Хусея Джаубаева

Джазгъы кёзюуде меннге тюбегененг сен,
Къууанч сезимге мени бёлегененг сен,
Сюеме, ийнан деб, тилеб айланнганенг,
Ийнаннганем,
Ийнаннганем, бир бек ийнаннганем.

Этген антынгы дженгил унутханенг сен,
Джаннган сезимни отун сууутханенг сен,
Менден башханы да табыб сайлагъаненг,
Къыйналгъанем,
Къыйналгъанем, бир бек къыйналгъанем.

Джарыкъ джазымы алыб джанлагъаненг сен,
Къыйын кюнюмде кенгден къарагъаненг сен,
Ой, кетме десем да, кери атланнганенг,
Сакълагъанем,
Сакълагъанем, бир бек сакълагъанем.

Ма энди, келиб, меннге табынаса сен,
Къайт, деб, джазынга, тамам джалынаса сен,
Къайтырма анга деб, ийнан, айталмазма,
Къайталмазма,
Къайталмазма, энди къайталмазма.