Canta U Populu Corsu - A Strage Di Bustanicu текст песни

Sott'un celu d'auturnu
Triste cume un son di cornu
Duie casce so purtate

Mez'a tutti l'isulani
Citadin'e paisani
Duie casce so passate

Ind'un stazzu muntagnolu
Dui omi d'un paisolu
Fianc'a fiancu so cascati

Dui Corsi muntagnoli
Di sta terra i figlioli
Nu le casce so chjinati

Dui fratelli pastori
Di sti lochi servidori
Funu trovi ammazzati

Corsi di la tradizione
A la terra di Cardone
Site stati arrubbati

Erate quelli puntelli
Di li casali e caselli
Oghje tombi cum'agnelli

Singhjozza u campanile
Sopr'a l'ultimu mandile
Sopr'a li nostri fratelli

Pienghje la pieve nustrale
Di lu Boziu immurtale
Pienghjenu li to zitelli

Un legiunariu assassinu
A Saveriu a Pasquinu
Ha toltu le chjare vite

Ti lagni cara Nazione
Un cambianu le stagione
E strage un so finite

Un ghjornu a l'attrecchjata
Una casa s'he viutata
Si so chjose duie fosse

A l'imbruni di stu ghjornu
E lumere a l'intornu
Curanu st'anime corse

Tutti qui simu commossi
Dui figliuloni Corsi
A l'eternu so andati
A l'eternu so andati