Dja-u pinta saia d'otu kor,
Dja-u muda botom di bu buluza
Bu fazi pe sambu sima Djulai,
Pa-u pasa na mi pa-m ka konxe-u
Bu fanhi naris, dja-u troka vos,
Bu pega bu pila bu dedom di pe,
Bu trokola odju xuxa kolola,
Bu po xupa-kaka pe trokadu.
Ma inda m-sta lapidu na bo minina,
E lapidu na bo minina eh eh eh eh...
Dja-u muda kaminhu pa otu rubera
Na mundu bu s't'anda so pa kau rabes
Ta kori di mi
Dja-u ba masa bosta, Pilotu morde-u na mama-kadera
Bu kre otu algem pa-m sai di bu pe
Bu da-m um borduada-bara-marmuleru
Bu ferga-m naris na pipi di Tareku
Bu da-m kaldu d'asa-kafanhotu...
Ma inda m-kuntina lapidu na bo minina
E lapidu na bo minina eh eh eh eh (bis)
(*)E lapidu na bo, m-sta lapidu na bo,
Baxu kotchi-kotchi minina, na seti braku-bu kabesa
Na tudu pasu ki bu da, m-sta lapidu na bo.
Baxu kotchi-kotchi minina, na seti braku-bu kabesa uoi
Na tudu pasu ki bu da - eh lapidu na bo, minina eh eh…
Dja-u tra kasa tedja dja-u po betom,
Bu po muzaiku na sala-jantar,
Bu po kasa finu so pa-m skorega,
Pa-m kai pa-m da koketa na tchom !
Bu po nogosi na Sukupira :
Brajeru ki toma dja subi dja latchi !
Bu kumpra starletixou di karambola :
Dinheru m-ka sabi dipundi ki bem !
Ma inda m-sta lapidu na bo,
E lapidu na bo minina eh eh eh eh...
Bu kumpra pasaji bu ba Bisau
Bu ba fase-m korda ku bu iram,
Bu ba rotcha pretu bu ba kontrata
Ku Xuxu pa-u da kabu di mi di bes.
Kusa ka fila-bu bu bira dodu,
Bu bua na mi bu kore-m mo na koxa,
Bu odja ma mi e feru kuradu,
Bu pega bu boka bu po na di meu.
A-go ki-m bira lapidu na bo minina
E lapidu na bo minina, eh eh eh eh.
(*)E lapidu na bo minina, m-sta lapidu na bo,
Baxu kotchi-kotchi minina…