Modena City Ramblers - La Fola Dal Magalas текст песни

Quasta che l'e na fola c'la perla ed la bessa
L'e neda in campagna fra al verd e al gris
Ades a v'la caunt in mod c'as capessa
Par ferev paura e matrev d'avis
Ste ateinti quand a vin sira a ander par la streda
C'a'n gh'e mai nisun in gir
Tot I megher, tot I gras
I g'an pora dal Magalas

Al Magalas l'e na bessa c'l'e neda in'Panera
L'e longa se meter, quelch'd'un giva ot
D'inveren la s'luga in mez a la giera
Ma in Merz la vin fora e I ein cas par tot
Chi l'ha vesta in curtil, chi in d'l aldamera
Chi in canteina tra veine parsot
Tot I zoven, tot I plee
Ades I disen c'l'e turnee

L'e negher com un cancher, l'e cativ e l'e arabii
Ed not a't selta in testa, a't magna I oc, a't magna I di
L'e nascost in sema al graner, l'e la c'al t'aspeta in mez a I sas
La ginta l'an dorem pio a seinter la fola dal Magalas

Fo acse che un bel de tot quant al vilag
Par pora d'la bessa I v'liven scaper
Quelch d'un al pruveva a feeres curag
Ma in dal meinter sercheva un sit par purter
Fiol e baioc, gat e cagnin, tagi e tigin e fin tamaras
Tot a scaper in dal turioun par pora dal Magalas!

In vatta a la tor ig steven tot quant
Imbianchein, cuntadein, sert e dutor
Sgor, bariagoz, pret e cantant
Tot a brigher in cal sit sicur
A avrir n'ustari, na scola, n'impiant
Negozi, buteghi e fin baladur
Tot I fureb e I caioun a stricheres in dal turioun

Be, la fola l'ariva a Sasol, a Vgnola
A Cherp e Sulera, in tot al Mudnes
La ginta la scapa, la sera butega
A's voda al stredi in tot I paes
Acse quand a vin un quelch furester
E al d'manda perche a'n gh'e nisun a spas
Deg "I ein tot nascost in di turioun
Par pora dal Magalas!"

Perche l'e negher com un cancher...