Age Van Der Velde - Glenne Riepe текст песни

Все тексты песен Age Van Der Velde

Glenne Riepe by Age Van Der Velde
Bie veujoarsdag, as t zunlicht lij
de riep beschient, nog nat van snij
den schittert doar n schat van kleuren,
den zain ie t wonner weer gebeuren:
de Glenne Riepe staait ien blui,
de Stadjerder is haildaal hui!
Meziek van t orgel gaalmt ien gulpen
dwaars deur hom hin, hai koft zien tulpen!

In zummertied, as Vismaart glen
te gluien ligt deur drokte hin,
den is tn weelde bie dij kroamen,
ie boaien deur de blommen, oamen
en zoegen joe van haarten zat
aan bliedschop op dat tegelpad!
Al zol ie leste cent betoalen,
ie willen zummer binnenhoalen!

En in haarst, as noordwesterstorm
om horns hoelt as n wilde lorm,
gain kerel lopt bie t pad te venten
den zain ie flappernde tenten,

mor staait hier schoedelnd ien schoel
en waarme tinten kleuren t voel
van t asfalt: broen en rood en sangen,
n plaaisterploats van stil verlangen…

Den komt de graauwe wintertied
de blomme-tentjes goan aan zied
en op de koale stainen komen
nou hoge stoapels dennebomen.
Midwinterdreum in neonlicht!
Gezelleg is zo'n stadsgezicht
van aal dij scharrelnde vrunnen
in t haartje van heur aigen Grunnen!

As Glenne Riep laag in Paries,
den was t bekend as t Parredies:
“Chaussee Brulante”, “Ville Lumiere”,
Het rendez-vous van “Elle et Pierre”.
Den haitte t hier “Marche aux Fleurs”,
ol D'r Oakerk was ons “Sacre Coeur”
en de verlichte Olle Grieze:
“La Tour du Monde et son englise”.

ДОБАВИТЬ ТЕКСТ В ЛИЧНЫЙ СПИСОК

Комментарии

Имя:
Сообщение:

Популярные тексты Age Van Der Velde

1 k Wil mit die daansen
2 Opa zien harmonikoa