Алим Газаев - Джаным къурман болсун Малкъаргъа текст песни

Джюрегингде пелиуанлыкъ джашагъан,

Ариулукъ сюймекликге ушагъан,

Тау намысы ушаб тауда акъ къаргъа...

Джаным къурман болсун Джуртум Малкъаргъа!


Мен бетиме салсам къолун анамы,

Беш бармагъын Беш Тау Эли сунама,

Эринлерим сыласала аланы,

Сау Малкъарны уппа этген сунама!


Зар кёз тие кёк суууна,ташына,..

Ариулугъу душман бола башына,

Таш башында амал табхан джашаргъа,

Джаным къурман болсун таджал Малкъаргъа!


Мен бетиме салсам къолун анамы,

Беш бармагъын Беш Тау Эли сунама,

Эринлерим сыласала аланы,

Сау Малкъарны уппа этген сунама!


Тешдиртмеген тинин зорлукъ садакъа,

Сюргюнде да тилемеген садакъа,

Дерт тутмагъан Аллах берген къадаргъа,

Джаным къурман болсун шыйых Малкъаргъа!


Мен бетиме салсам къолун анамы,

Беш бармагъын Беш Тау Эли сунама,

Эринлерим сыласала аланы,

Сау Малкъарны уппа этген сунама!


Джаным саудан ачхан джандет эшигим,

Ёлсем,рахат джукълар топуракъ бешигим,

Ата Джуртум,Ана Сютюм,Къадарым-

Джаным къурман болсун санга,Малкъарым!


Мен бетиме салсам къолун анамы,

Беш бармагъын Беш Тау Эли сунама,

Эринлерим сыласала аланы,

Сау Малкъарны уппа этген сунама!