BAP - Griefbar Noh текст песни

Zojefroore litt da See,
Et weed langsam hell, ha woor schon ens he,
Schwemme liere sollt'e domohls.
Nung Levve hatt'e wie en Katz.
Dat, wat jraad dran ess, hatt'e ziemlich satt.
Op singem Drootseil steht'e rootlos.
Die Hugg uss Horn op singer Seel ess wund,
Ahnjesunge en unzahlje Stunde,
E wiess Emailjeschild saat "Salzburg"!
Schnie weed Raan, dann duhrt et niemieh lang,
Dat du ohm Bahnsteig stehs un - jottseidank -
E Netz opspanns, dat ihm Balance jitt.

Gare de l'Est, Cafe des Arrivees,
De Hang jewarmp ahn nem Cafe au Lait.
Ha huhrt sing Stemm, die wie vun selvs sprich.
Leis sing'e Leed vuur, wat ne Jung en Rom
Vuur Johre schriff, eins wat ihm immer schon
'ne Leuchturm woor; 't fahlt nur da Stadtplan.
Paris pulsiert schon oder immer noch,
Ha spillt da frohliche, du merks et...doch,
Hilfs ihm sing Bleijedanke draare.
Vier Kinderaure siehte Daach un Naach,
Ob e nu schloof, oder wie miestens waach,
Alles op Null - darf ha dat woore?

Refr.:
Op eimohl woor et griefbar noh,
Jet wat wie uss nem andre Levve woor.
Dat Jefohl woor plotzlich do,
Diffus un unbestemmp,
Doch et woor griefbar noh.

Eck St. Marks un Second Avenue
Zwei Mohnd spater noch e Deja Vu:
En Handvoll Loser op Silvester.
Jeruch vun Farv, knallwiess Neonleech.
Jrundierte Leinwang un e blass Jeseech,
Ne Frund ahm Eng ... oder ahm Ahnfang?
Da's zehn Johr her, doch wat huck intressiert
Ess dat e't endlich widder en sich spurt,
't widder do, dat lang vermesste Fieber.
Schutzengel, ... huhr ihm zo,
Sick damm Daach weiss e, dat e su wie du
Widder jevve kann - un zwar uss Liebe.

Refr.:
Op eimohl woor et griefbar noh,
Jet wat wie uss nem andre Levve woor.
Dat Jefohl woor plotzlich do,
Diffus un unbestemmp,
Doch et woor griefbar noh