BAP - Keine Droppe Mieh текст песни

Supermann ess hellwach, ess jetz ald die dritte Naach,
Dat e' kei Aug zojemaat, ewig nit em Bett.
Nirjendwo un ovverall, plappert wie 'ne Wasserfall,
Ovverdrieht, durchjeknallt: „... checke, wat affjeht …“
Kleopatra waat duudmood
Ahn da Rezeption,
Et deit ihr alles wieh,
Uhreping un Bloot em Schoh.

Un Mona Lisa jrins, als ob et irj'ndjet woss,
Jedenfalls mieh als all die tatowierte Schoss.
Kaum noch zo erdraare, Schnie jeschopp wie nie.
Kein Substanz un keine Droppe mieh!

„Hey, do vorre, wiggerjonn! Och du met da Dornekron,
Dat ess he kein Prozession, da' 'ss en Jeisterbahn!“
Opjekratz, ussjeflipp, ungerwah? om Horrortrip,
Ruude Funke, Dschungelbrooder un da Ku-Klux-Klan.
Da Kaiser draht neu Kleider,
Na, dat ess jar kein Frooch,
Die stonn ihm unwahrscheinlich –
„Alle Steine fleejen hoch!“

Et raant Kamelle, vun Pinocchios Balkon
Wink, enn 'ner Gala-Uniform, Napoleon.
Leopardefellbozz, Kajal, Minipli –
Kein Substanz un keine Droppe mieh!

Casanova, Don Quijote, Tarzan, Elvis sinn bankrott,
Paternoster zum Schafott, et ess koot noh vier.
Hannibal un Attila zanke sich om Afrika,
Asien, un Europa rigg op enem Stier.
Daisy Duck op Stelze,
Slapstick-Rodeo,
Die Band spillt unverfalschte
Bloosmusik uss Jericho.

Wer op sich halt, da drink Absinth un rauch Zijar,
Die Loreley danz ahn der Stang zo „Wunderbar“.
Winnetou fahrt Skateboard, Goofy Wasserski –
Kein Substanz un keine Droppe mieh!

Belsazar rejistriert die Flamme ahn der Wand
Un saat: „Ach so, deshalv rusch et he ahnjebrannt.“
Romeo sook Julia un e' Alibi –
Kein Substanz un keine Droppe mieh!