Corvus Corax - Palastinalied текст песни

Alrerst lebe ich mir werde,
sit min sundic ouge siht
daz here lant und ouch die erde,
der man so vil eren giht.
ez ist geschehen, des ich ie bat:
ich bin komen an die stat,
da got menischlichen trat.

Schoeniu lant, rich unde here,
swaz ich der noch han gesehen,
so bist dus ir aller ere.
waz ist wunders hie geschehen!
daz ein magt ein kint gebar,
here uber aller engel schar,
waz daz niht ein wunder gar?

Hinnen vuor der sun ze helle,
von dem grabe da inne lac.
des was der vater ie geselle
und der geist, den nieman mac
sunder scheiden, ez si ein,
sleht und ebener danne ein zein,
als er Abrahame erschein.