Ge Reinders - Had ich motte ruke? текст песни

Had ich motte ruke? by Ge Reinders
Ich veulde 't
Ich zoog 't in dien uig
Doe guns 't mich neet

Nao al dae tied
Sjpeelt det nag
En ich dach det zo get sjleet
Maar nae det geit maar door

Doe lachs noe waal
Doe kus mich zelfs
Maar in elke zin sjluupt 'n verwiet

Ich bin zo blie
“Veur” is veurbie
Voltooid vervlaoge tied
Maar doe, doe geis nag door

Had ich motte ruke waas doe dich hads bedach
Had ich ich motte raoje waas doe van mich hads verwach
Ich waar zo gek op dich maar kos dich nimmeer kriege
Ich loester nag nao dien zjwiege

Doe bis weer allein
Geur zeet oetrein
Wiezo net wie toen bie mich?


Dao is ein versjil
Hae is gegaon
Maar toen wow ich zo gaer wiejer mit dich
Nae det ging neet door

Ich kos neet ruke waas doe dich hads bedach
Ich kos neet raoje waas doe van mich hads verwach
Ich waar zo gek op dich maar doe waars neet te kriege
Ich heurde nieks in dien zjwiege

En noe geis se weer op tennisles
Doe hobs haop det dich det zal bevallen
Ich gun dich die leuke les bes
Maar waat dachs se van 'ne cursus kalle?

Miense kinne neet ruke waas doe dich hobs bedach
Joa dien moder kint raoje waas doe van haor verwachs
Idderein waar gek op dich maar doe woors neet te kriege
Veur heurde nieks in dien zjwiege
Loester nao dien zjwiege