Gufi - La Balilla текст песни

Vori save el mestee che foo mi
cominci ai des or finissi a mezzdi
giri la Baia col motofurgon
vendi lisciva soda e savon

Mi voo in gir de chi e de la
mi voo in gir a lavora
hoo faa ona pigna de cart de milla
se m'e vegnuu in ment de compraa ona balilla

L'e stada la rabbia di me fradej
che hann cominciaa a sgagnamm i budej
la mia cusina che sta in via Larga
la m'ha mangiaa anca la targa

La mia zia de Gorgonzoeula
cont i gomm l'ha faa la cazzoeula
el me nonno ch'el gh'ha l'angina
l'ha ciappaa la ciocca con la benzina

El Carletto stupidott
el s'e faa on vestii cont la capott
i me nevod pussee piscinitt
salta in vettura a mangiamm anca i vit

La Maria che sta in la mia porta
la m'ha mangiaa la roeuda de scorta
el todesch dislifen e slofen
el m'ha mangiaa in d'on boccon tutt el cofen

El maresciall di carabinier
cont in bocca i quatter porter
ie sgagnava senza rispett
insemma ai porter l'ha mangiaa anca i manett

A gh'e vun che vegn de Bagg
el ciappa i roeud e'l me mangia i ragg
in d'on canton gh'e'l Salvador
cont in bocca el radiator

Passa on fioeu senza dentin
el me disvida i lampadin
el me fradell quel malaa de diabete
el fa finta de nient el me mangia el magnete

El me portinar ch'el porta i occiaj
salta su a mangiamm i fanaj
voo in questura a denuncia i dagn
quand torni indree gh'e pu nanca i pedagn

A voo per caso a trova mia sorella
ghe troeuvi in ca on piston e 'na biella
quand torni indree gh'e restaa solament
el fumm del tubo de scappament.