Блажен муж, иже не иде на совет нечестивых. Аллилуиа.
И путь нечестивых погибнет. Аллилуиа.
Работайте Господеви со страхом и радуйтеся Ему с трепетом. Аллилуиа.
Блажени вси надеющиеся Нань. Аллилуиа.
Воскресни, Господи, спаси мя, Боже мой. Аллилуиа.
И на людех Твоих благословение Твое. Аллилуиа.
Слава Отцу, и Сыну, и Святому Духу. Аллилуиа и ныне, и присно, и во веки веков. Аминь. Аллилуиа. Аллилуиа, аллилуиа, аллилуиа, Слава Тебе, Боже. Аллилуиа, аллилуиа, аллилуиа, Слава Тебе, Боже. Аллилуиа, аллилуиа, аллилуиа, Слава Тебе, Боже.