I Muvrini - Mi Trema L'Esse текст песни

Per i to lochi appesi
A straziapane
E per i to paesi
Senza campane

Per e to tramuatane
E e nivaghje
Per e to sciappittane
A cocipiaghje
Mi trema l'esse

Per u castagnu mortu
Senza patrone
E per l'alivu tortu
Negrucarbone
Mi trema l'esse

Per le to invernate
A fiscaventu
E tutte l'attrachjate
A u silenziu

Per i travagliadori
A mani stanche
E per i to pastori
A greghje bianche
Mi trema l'esse

Per l'omi imprigiunati
A stonde amare
E tutti i spatriati
Dillandi a u mare
Mi trema l'esse
A crepacore
Mi trema l'esse

Per e to citadelle
A conta storia
E to cause belle
E a vittoria

Per l'idea chi move
A brusgia vene
E tutte e lune nove
Di u to avvene
Mi trema l'esse
A spannacore
Mi trema l'esse...