Luciano Pavarotti - Marechiare текст песни

I

Quanno sponta la luna a Marechiaro,
pure li pisce nce fanno a ll'ammore...
Se revotano ll'onne de lu mare:
pe' la priezza cagnano culore...

Quanno sponta la luna a Marechiaro.

A Marechiaro ce sta na fenesta:
la passiona mia ce tuzzulea...
Nu garofano addora 'int'a na testa,
passa ll'acqua pe' sotto e murmulea...

A Marechiaro ce sta na fenesta....

II

Chi dice ca li stelle so' lucente,
nun sape st'uocchie ca tu tiene 'nfronte!
Sti ddoje stelle li ssaccio i' sulamente:
dint'a lu core ne tengo li pponte...

Chi dice ca li stelle so' lucente?

Scetate, Caruli', ca ll'aria e doce...
quanno maje tantu tiempo aggi'aspettato?!
P'accumpagna li suone cu la voce,
stasera na chitarra aggio purtato...

Scetate, Caruli', ca ll'aria e doce!...