Ougenweide - Owe Wie Jaemerliche текст песни

Owe wie jaemerliche junge liute tuont
Den e vil hovelichen ir gemuete stuont
Die kunnen niuwan sorgen: owe wie tuont sie so
Swar ich zer werlte kere, da ist nieman vro

Tanzen, lachen, singen zergat mit sorgen gar
Nie kristenman gesach so jaemerliche schar
Nu merkent wie den vrouwen ir gebende stat
Die stolzen ritter tragent an dorpelliche wat

Uns sint unsenfte brieve her von Rome komen
Uns ist erloubet truren und vreude gar benomen
Daz muet mich inneclichen (wir lebeten ie vil wol)
Daz ich nu fur min lachen weinen kiesen sol

Die vogele in der wilde betruebet unser klage
Waz wunders ist ob ich da von an vreuden gar verzage
Owe waz spriche ich tumber man durch minen boesen zorn
Swer dirre wunne volget, hat jene dort verlorn