Renaud - Tout In Haut De Ch'Terril текст песни

Dins ches corons queu r'mue-menache
Ches mineurs vienn't' d'avoir leu conges
Prenn't' leu valisses et partent voyager
A la campagne ou vir leu parinte
Mi comme el'z'autes j'prinds mes bagaches
Ej' m'in vas mais j'quitte pont min pat'lin
J'vos du pays v'la l'maniere que j'm'y prinds
Sans debourser un sou d'train

Ej' passe mes vacances tout in haut de ch'terril
J'a toudis d'la chance ch'terrain i'est jamais pris
J'monte eum'toile ed'tente, j'vis tout seul, ej' m'arrinche
Ej'siffle, ej'ris, ej'cante, ej'sus heureux d'faire du campinche
Je m'fais la popotte, j'vis bien miux qu'a l'hotel
J'mets comme les cocottes du rouche a mes ortels
Du haut de m'couplette je m'cros a Chambery
Mais Je n'suis qu'au faite tout in haut de ch'terril

Comme point d'vue faut vir ch'que j'degotte
Les bos, les prairies des environs
Ches villaches, ches villes, nou corons
Et je m'rinche l'?ul cha n'me coute pas un rond
Sus min fu d'bos j'fais tout m'gargotte
Viandox, peumes tierre frites, morcieau d'lard
Et j'a monte trint'chinq lites ed'pinard
Pour mi chucher in pere peinard ...

Ej' passe mes vacances tout in haut de ch'terril
J'a toudis d'la chance d'vir ch'que j'vos ch'est a mi
Quand arrife eul'soir, ej'vos v'nir d'z'amoureux
I z'attindent qu'i feche noir, mais mi je n'les quitte pos des yeux
I vont s'inlacant, s'dijant des balivernes
Tout in s'imbrassant dins ches bles, dins ch'luzerne
I's font des papoules in s'app'lant "mon cheri"
Et mi j'vos tout cha d'tout in haut de ch'terril

Mais avant hier j'n'a pont eu d'chance
D'un seul cop vla qu'i s'met a pluvoir
J'rinte a l'abri d'zous min perchoir
Em'tente all pichot, ch'tot pire qu'un arrousoir
Alors j'a pousse la romance
J'a sorti pour m'eviter l'cafard
Et j'a flute chinq six lites eud'pinard
In berloquant comme un pochard ...

J'a degringole tout in bas de ch'terril
Arrive au pied je m'sus rel've tout meurtri
J'sais pus quo qu'j'a fait, j'avos tell'mint eun'cuite
A l'pache de m'barette j'avos sus m'tiete euch'codron a frites
A forche ed'bourler m'panche sus des caillaux
Y a eun'certain'plache i m'in manquot un morcieau
J'y a mis un bout d'loque j'sus pos pret d'ete gueri
Et j'sus armonte tout in haut de ch'terril

Alors' pindant trente ans l'mineur-campeur il n'quitte pis sin cher terril,
minme pinsionne il y va comme au passe. Seul'mint aujoud'hui i'est
malate, el'fosse all'l'a use. I'est dins sin lit et les larmes aux yux in ravisant
a travers ech'carreau, i dit tout bas :

Comme cha va vite comme eul'temps passe
Au terril j'a campe bin d'z'annees
A ch't'heure i faut l'abandonner
Je n'sus pus qu'un viux mineur pinsionne
Et j'n'a pus qu'des oches dins m'carcasse
J'sus vieilli mes gampes sont ramolies
Et de l'fermiete in etant dins min lit
In l'ravisant j'dis ch'est fini

J'mon'tra plus jamais tout in haut de ch'terril
Fini desormais l'med'cin j'l'ai ben compris
Par quarante ans d'fond mes poumons i'ont quite cosse
L'poussiere eud'carbon in appelle cha la silicosse
Ch'est betot min tour ed'partir comme tant d'viux
D'faire un long sejour la aupres du Bon Dieu
J'espere qu'i m'laich'ra quand j's'rai au Paradis
Cor' v'nir in vavances tout in haut d'min terril

J'espere qu'i m'laich'ra quand j's'rai au Paradis
Cor' v'nir in vavances tout in haut d'min terril