Shaun Davey - Storm At Sea текст песни

Anbthine mor ar muig Lir,
Dana tar a hardimlib;
at-racht gaeth, ran goin gaim garg
co tet tar muir morgelgarb;
dos-arraid ga garggemrid.

O do-chuir in gaeth an-air
menma tuinne tarcabair;
duthracair dul tarainn siar
cosin fot fris fuinnen grain
cosin glasmuir ngarglethain.

O do-chuir in gaeth a-tuaid
duthracair tonn temenchruaid
co mbad fri domun an-des
fri fithnem ro ferad tres,
ro ested fri elechduain.

O du-chuir in gaeth an-far
tar in saile srebachian
duthracair dul tarainn sair
co crann greine coros gaib
I muir lethan leborchian.

O du-chuir in gaeth an-des
tar tir Saxan sciathanbres
co mbenann tonn Inse Scit,
do- Liud do chuirr Calad Nit
co mbrut luibnech liathanglas.

Is Ian ler, is Ionman muir,
is alainn in etharbruig;
ro la curu in gaeth gainmech
im Inber na Da Ainmech;
Is luath lui the lethanmuir.

Ro La tonn, tren a trethan,
tar cech inber iarlethan,
don-rocht gaeth, ron goin gaim gal,
im Chend Tire, im Tir nAlban
silid sreb Ian sliabdreman.

Mac De Athar, adblib scor,
rom ain ar grain garganfod;
fiadu firen na fleide
acht rom ain ar anside,
ar Iffern co n-ardanfod.